"Aktiv Enerji" MMC-nin rəhbərliyi və mühəndislər komandası sifarişçilərin tələblərinə və beynəlxalq standartlara uyğun olaraq elektrik avadanlıqlarının və qurğuların quraşdırılması, sazlanması və onların təmiri sahəsində böyük təcrübəyə malikdir.
06Mar
Elektrikli avtomobil qiymətlərinin və istifadəsinin çox sərfəli olmasına baxmayaraq, hələ də bazarın böyük hissəsini tuta bilməməsinin əsas səbəbi nədir sizcə? Bura bir çox faktorları səbəb kimi saymaq olar, amma düşünürəm bu maşınları əldə etməyin əsas psixoloji maneəsi infrastruktur sıxıntısıdır. Yəni şəhərdə kifayət qədər Elektrik Doldurma Məntəqələrinin olmaması bir çox alıcını hələ də bu maşınları almaqda tərəddütə salır.
Bu problemlə bir çox ölkələr aktiv məşğul olmağa başlayıblar. Məsələn, Meksikada elektrikli avtomobillər və elektrik doldurma məntəqələri (EDM) üçün 500 milyon dollarlıq sərmayə planlaşdırılır!
2024-cü ildə dünyada mövcud olan şarj stansiyalarının sayına 1,3 milyondan çox yeni ictimai şarj nöqtəsi əlavə edildi. Bu, əvvəlki illə müqayisədə 30%-dən çox artım deməkdir.Təkcə 2024-cü ildə əlavə olunan şarj nöqtələrinin sayı, demək olar ki, 2020-ci ildə mövcud olan bütün şarj nöqtələrinin ümumi sayına bərabər idi.
Bir müddət əvvəl Canada ölkənin müxtəlif bölgələrində 8 000 yeni EDM qurulacağını açıqlamışdı. İndi isə oxşar inkişaf Mexiko üçün də planlaşdırılır, çünki ölkədə elektromobil şarj infrastrukturu və elektrikli nəqliyyat vasitələri üçün 500 milyon dollarlıq investisiya nəzərdə tutulub. Bu vəziyyətdə ortada mövqedə duran Amerika isə fərqli bir vəziyyət yaşayır. Federal subsidiyaların ləğvindən sonra elektrikli avtomobil satışlarında azalma müşahidə olunub. Buna baxmayaraq, eyni dövrdə EV şarj stansiyalarının sayı artmağa davam edib. Buna görə də, satışların zəiflədiyi bir vaxtda bu qədər yeni EDM-lərin qurulması bir çox insan üçün gözlənilməz ola bilər. Bu layihə çərçivəsində Meksikada elektrikli avtobusların istifadəsi də genişləndiriləcək. Financial Post xəbər verir ki, Invisible Urban Charging Inc. və ATX Smart Mobility, LLC tərəfindən idarə olunacaq 500 milyon dollarlıq layihənin ilk mərhələsində ölkənin mərkəzində yerləşən Bajío bölgəsində 38 şarj qurğusunun quraşdırılması və 140 elektrik avtobusunun istifadəyə verilməsi planlaşdırılır.
AktivEnerji ailəsi olaraq, biz də yaşıl enerji tərəfdarıyıq və ölkəmizdə karbon emisiyasının azaldılması istiqamətində atılan addımlara hər cür dəstək göstərməyə hazırıq.
Leave A Comment