Standard Post

Günümüzdə Elektrikli avtomobillər (EV) sürətlə şəxsi nəqliyyatda əsas seçimə çevrilir. Aşağı yanacaq xərcləri, ətraf mühitə daha az zərər verməsi və müasir texnologiyalar sizi cəlb edirsə, bilməlisiniz ki, elektrikli avtomobil sahibi olmaq adi benzinlə işləyən maşınlardan fərqli vərdişlər və yeni biliklər tələb edir. Bu səbəbdən, hər yeni EV istifadəçisinin elektrikli nəqliyyat vasitəsindən maksimum fayda əldə etməsi üçün bilməli olduğu əsas məqamlar mövcuddur. Bəs siz məqamlardan məlumatlısınızmı?

Elektrik maşınların batareyalarının ömrü adətən 8-15 il olur. Günümüzdə bir elektromobil tam şarj ilə 150-600 km məsafə qət edə bilir.

1. Elektromobilinizi hansı üsullarla və harada doldura biləcəyinizi öncədən öyrənin

Elektrikli avtomobillər benzinlə deyil, elektrik enerjisi ilə doldurulur və şarj növləri sürətinə görə fərqlənir. Əsasən 3 növ şarj mövcuddur:

Level 1 adi ev rozetkası ilə yavaş doldurma üçün uyğundur və əsasən gecə istifadə edilir.
Level 2 ev üçün xüsusi qurğu və ya ictimai stansiya tələb edir, daha sürətlidir və gündəlik istifadə üçün əlverişlidir.
Sürətli (DC Fast) şarj isə qısa müddətdə batareyanın böyük hissəsini doldurur, lakin batareyanın ömrünə mənfi təsir göstərə biləcəyi üçün tez-tez istifadə məsləhət görülmür.

2. Batareyanın vəziyyəti və uzunmüddətli qorunması

EV batareyaları uzunömürlüdür (təxminən 10–15 il), amma düzgün istifadə onların ömrünə ciddi təsir edir. Gündəlik istifadə zamanı batareyanı tam 100% doldurmamaq, əsasən 20–80% aralığında saxlamaq və sürətli şarjdan tez-tez istifadə etməmək tövsiyə olunur. Həmçinin, çox isti havalarda avtomobili kölgədə və ya sərin yerdə saxlamaq batareyanın sağlamlığını qorumağa kömək edir. İstehsalçılar uzunmüddətli zəmanət versələr də, düzgün vərdişlər batareyanın istifadə müddətini daha da uzadır.

3. Elektrikli avtomobillərdə texniki qulluğun benzinli avtomobillərdən fərqli cəhətləri

Elektrikli avtomobillərdə mexaniki hissələr daha az olduğu üçün texniki xidmət xərcləri də nisbətən aşağıdır. Yağ dəyişimi, şam (svieça) və kəmər kimi detallar yoxdur, regenerativ əyləcləmə sayəsində əyləc yastıqları daha gec köhnəlir. Bununla belə, təkərlərin mütəmadi dəyişdirilməsi, əyləclərin və soyutma sisteminin yoxlanması, eləcə də salon hava filtrinin vaxtında dəyişdirilməsi hələ də vacibdir.

Elektrik doldurma məntəqəsi üçün Aktiv Enerji komandasına müraciət edə bilərsiniz.

4. Proqram təminatı və yeniləmələr

Müasir EV-lər daha çox “təkərli smartfon” kimidir. OTA (simsiz) yeniləmələr batareya məsafəsini və şarj sürətini yaxşılaşdıra, yeni sürücülük funksiyaları əlavə edə, proqram səhvlərini düzəldə və əyləncə sistemini təkmilləşdirə bilər. Avtomobilinizin internet bağlantısının aktiv olduğundan və proqramın avtomatik yenilənməyə hazır olduğundan əmin olun.

5. Elektrikli avtomobilinizi doldurarkən etik qaydalar

İctimai şarj stansiyaları hamı üçün paylaşılan resursdur. Əsas etik qaydalar: avtomobil tam doldurulduqdan sonra yeri boşaltmaq (xüsusilə sürətli DC şarjlarda), başqalarının maşınını icazəsiz çıxarmamaq, qırıq şarj cihazlarını tətbiqlərdə bildirmək və boşalmış stansiyaları bloklamamaqdır.

Və sonda daha detallı maariflənmək üçün Aktiv Media kanalına abunə olmağı tövsiyyə edirik.

Qaynaq.